التدخين, أخبار مطمئنة للمدخنين

بسم الله الرحمن الرحيم

التدخين؟
أخبار مطمئنة للمدخنين
فية أشاعات مغرضة بيطلعوها علشان يخوفونا من التدخين إوعى تصدقهم.وخليك جاهز بالرد.

التدخين يتلف الرئة:
واية يعنى,مإنت عندك رئة ثانية,وقد اثبتت الابحاث العلمية الحديثة أن الانسان ممكن يعيش برئة واحدة!
وهناك تطورات طبية سوف تسمح بنقل الرئة من متطوع-بس مايكونش من سكان بيتك لأن صدرهم بيبوظ هما كمان,
والرئة اللى فى صدرهم ما بتبقاش أحسن كثير من رئتك اللى أتحرقت0

التدخين بيجيب السرطان:
واية يعنى,معظم انواع السرطان بيتعالج دلوقتى.وبعدين فى اكثر من 100
حاجة تانية غير التدخين ممكن تجيب السرطان!

النيكوتين يسبب الإدمان:
لا يوجد شئ اسمة ادمان النيكوتين,كل الناس اللى عندها شخصية قوية
وكانت فعلا عايزة تبطل شرب سجاير نجحت فى كدة!
إنما ممكن تستعمل الجملة دى حجة تتلكك بيها قدام اللى بيقولك بطل سجاير!
وبعدين السجاير فبها حاجات تانية كتير غير النيكوتين,القطران مثلا
ما بيسببشى الإدمان!

التدخين يتلف الفم:
لا وجد اى بحث طبى أثبت ان التدخين يسبب أصفرار الأسنان أو يفسد رائحة
الفم,دى أشاعات غير علمية بتطلعها شركات معجون الأسنان0

التدخين بيقصر العمر:
دة نقص إيمان والعياذ بالله,التدخين مش ممكن يموتك قبل ميعادك اللى ربنا أختارة لك.
إنما بالكتير ممكن يخليك تستمتع فى أواخر أيامك بسرطان الرئة مثلا أو يقطع صدرك
بالكحة بتاعة الربو الشعبى أو تصلب الشرايين أو بأى حاجة من الامراض الحلوة دى!

التدخين حرام وممكن تاخد بسببة سيئات:
بالعكس بقى,دة التدخين ممكن يشيل سيئات,مادام بيجيب أمراض والواحد بيتعذب
بيها فى الدنيا0

التدخين بيضيع فلوسك:
الفقر حشمة

هل تعلم
*المصريون ينفقون 6 مليار جنية سنويا على التدخين0
*التدخين يقتل 3 مليون انسان فى لعالم سنويا0
*التدخين يؤدى الى زيادة سرعة ضربات القلب
وأرتفاع الضغط وانسداد الشرايين0
*التدخين يساعد على فقدان حاستى الشم والتذوق
ويؤثر على الحنجرة ويسبب سرطان الرئة0